Abstract
Artikulu honen helburua da lagin biologikoen eta datu pertsonalen tratamendutik eratorritako inplikazio juridikoei buruz gogoeta fina egitea; hain zuzen ere, kirol-arloan dopinaren aurkako kontrola lortze aldera. Azkenaldian, kezka nagusia bihurtu da dopatzearen kontrako kontrola erdiestea kirol-lehiaketetan, eta hori gogotik barreiatu egin da gizarte mailan. Izan ere, eztabaidaezina da dopinaren eraginak askotarikoak direla: kirolarien osasunean, parte-hartzaileen berdintasun-baldintzetan eta kirolaren bitartez helarazitako balioen galbideratzea eragiteko bitarteko gisa. Horrek guztiak ekarri du hamaika erakunde publikok nahiz pribatuk konponbideak abian jartzea praktika hori ekiditeko; horregatik, oso komenigarria da geure buruari galdetzea ea ezarritako lege-testuinguruak eta kontrolen praktikak bat egiten duten oinarrizko eskubideen babeserako arau orokorrarekin.