Қазіргі таңда елімізде өсімдік шаруашылығындағы құрылымдық және технологиялық әртараптандырудың нәтижесін байқауға болады. Мәселен бидайдың егістік ауданы қысқартылып, орнына майлы, мал азығы, жарма және бұршақты дақылдары егістігінің ауданы кеңейтілді. Демек, өсімдік шаруашылығы өнімдерінің өндірісі өсіп тұр. Оның бірі –майбұршақ. Майбұршақ – ертеден өсіріліп келе жатқан дақыл және ол дүниежүзілік маңызы бар басты мәдени өсімдіктер қатарына жатады. Майбұршақты негізінен таңғажайып өсімдік деп атайды. Себебі тұқымның құрамында жоғары мөлшерді ақуыз 33-тен 45%-ға дейін, 20-дан 25,7 % ға дейін май (оның кұрамында холестеролдың болмайтынын атап өткен жөн) және 25-21% көмірсулары бар. Еліміздің әртүрлі аймақтарының ғылыми мекемелерінде майбұршақты өсіру үшін нақты сенімді және жоғары өнімді сорттары өндірілуде. Оларды өсірудің интенсивті және бейімді аймақтық технологиялары әзірленді, олар жоғары өнім алудың негізі болып табылады. Осы облыстарда майбұршақ дақылын табысты өсіруде көп жылғы озық тәжірибенің байлығы жинақталған. Дегенмен, барлық аймақтарда майбұршақтың тұрақты жоғары өнімін алу үшін белгілі бір жағдайларды ескере отырып, сенімді сорттар мен оларды өсіру әдістерін таңдаудың заманауи ғылыми негізделген аграрлық талаптарын қатаң сақтау қажет. Бұл мақалада әр түрлі минералды тыңайтқыштардың, микроэлементтер мен өсу стимуляторларының майбұршақ дәнінің сапасына әсері бойынша далалық тәжірибелердің нәтижелері берілген. Ғылыми-зерттеу жұмыстары «Оңтүстік-Батыс мал шаруашылығы және өсімдік шаруашылығы ғылыми-зерттеу институты» ЖШС тәжірибе алаңында жүргізілді. Ласточка сортында фосфорлы-калийлі тыңайтқыштарды және «әмбебап Вуксал» өсу стимуляторын қолданудың тиімділігі Ласточка сортында 5,08 % құрайтыны анықталды, бұл бақылаудағыдан 0,11 % жоғары көрсеткішті көрсетті. Ал, Аққу сортында 4,88 %, Галина сортында 4,82% бұл бақылауға қарағанда 0,20% және 0,28% төмен көрсеткішті көрсетті. Фосфорлы-калийлі тыңайтқыштар мен өсу стимуляторларын қолдану майбұршақ тұқымындағы майлылыққа оң әсерін тигізді. Осылайша, NPK + Эпин қолдану нұсқасында Ласточка сортының тұқымындағы май мөлшері 25,53% құрады; Аққу сорты – 24,62%; Галина сортында – 26,01%, бақылаудағы майбұршақтан 4,26-ға артық, керісінше 1,99 және 3,64% көреткішті көрсетті