Abstract
Сиыр сүті негізіндегі құрамдастырылған қышқыл сүт сусындарын әзірлеу үшін табиғи компоненттерді негіздеу және іріктеу нәтижелері ұсынылған. Функционалдық маңызы бар өсімдік компоненті ретінде псиллиум өсімдік шикізаты, ал табиғи дәмдік компонент ретінде топинамбур шәрбаты зерттелді. Бастапқы сүт шикізатына органолептикалық, физика-химиялық және микробиологиялық көрсеткіштер бойынша бағалау жүргізілді. Сүтті термиялық өңдеу режимдері мен ашытқы мөлшерінің ашыту процесіне әсері зерттелді. Кейінгі зерттеулер үшін ашытқыны 2 % мөлшерде енгізу кезінде 85-90 °С температурада ұстаусыз өңдеу режимі ең қолайлы екені анықталды. Сенсорлық бағалау нәтижелері бойынша псиллиумның оңтайлы мөлшері 4 % құрады. Әзірленген сусындар біртекті консистенциясымен, қышқыл сүтке тән дәмімен және бөгде иістердің болмауымен сипатталды. Псиллиум қосылған үлгілерде майдың массалық үлесі 3,2 %, ақуыз мөлшері 2,8 %, қышқылдығы 76 °Т құрады. Зерттелген үлгілерде ішек таяқшасы тобының бактериялары, патогенді микроорганизмдер және Staphylococcus aureus анықталған жоқ; ашытқылар мен зең саңырауқұлақтарының саны зерттеуде белгіленген шектен аспады. 4±2 °С температурада 7 тәулік сақтау барысында органолептикалық көрсеткіштердің айтарлықтай нашарлауы анықталған жоқ. Алынған нәтижелер құрамдастырылған қышқыл сүт сусындарының табиғи компоненті ретінде псиллиумды пайдаланудың технологиялық орындылығын растайды.